يوسف منصور

الحمد لله الحمد لله الحمد لله.
هذه التدوينة الأولى من عملي الجديد.
عهد جديد من الترتيب والتنظيم والتطوير أسأل الله أن يبارك
شكرا لله
أشكرك كل من ساعدني ووقف معي في الفترة الأخيرة ولو بكلمة ترفع المعنويات
“بدون ذكر أسماء وأغلبهم من زوار مدونتي”

وأنا مازلت مشغول جدا في الإعداد والتطوير.
وسأدون الجديد قريبا إن شاء الله

وصلتني من مجموعة بريدية – بتصرف

يعني عشان إمبارح غسلت ملابسي ونشرتهم ورحت غسلت سيارتي بعد دهر من زمن الكسل
اليوم تغبر الدنيا؟

لا إله إلا الله

اليومين اللي فاتو كنت مشغول لشوشتي مصطلح يمكن أول مرة أستعمله!
كانوا اليومين اللي فاتوا مليانين مواقف منها الحلو ومنها غير ذلك، والسبب إني مشغول في الإعداد لعملي الجديد إن شاء الله!

المهم في عندي كم سولافة “على راي فراس مبارك” حبيت أدونهم

طبعا زوجتي مسافرة على أبها عشان عرس أخوها اللي يبارك له “مش عارف ليش استعجل – كان سألني”
لو سألني لقلتله توكل على الله ولا تتردد (بيرقع في الموضوع!)
وأنا ما سافرت عشان مشغول – وإحتمال أسافر تبوك

حبيت أقولكم عن هالهندي:
كنا سهرانين أنا والدكتور محمد السباعي والدكتور إيهاب صافي وأخوي سامي ومحمود أبو عون وعديلي وصاحبي عمار جاي من أبها عنده تدريب في شغله عنا في جدة وفي آخر الليل روح هو على الفندق في شارع خالد بن الوليد وأنا روحت وبعد نص ساعة اتصل علي – فقلت الله يستر ايش ماله – فقالي والله يايوسف مستحي منك أنا من النعس نزلت من السيارة وسكرتها والمفتاح فيها والمشكلة انه عندي شغل الساعة 8 الصبح ما بقدر أتأخر عليه فبالله يايوسف استحملني وتعال ساعدني – فقلتله من عيوني ياصاحبي أنا أصلا بدورلك على خدمة
المشكلة انه هو في شارع خالد بن الوليد والسيارة مستأجرة من العبيري من المطار
وأنا في الطريق بقول لحالي والله يايوسف انه مشوار جامد رايح راجع الله يسامحك ياعمار – فقلتله اتصل على العبيري وإسأله من وين أخد مفتاح إحتياطي فقالي المشكلة اني مش عارف ايشي ولا رقمهم ولا ايشي فقلتله طيب هيني جاي
وأنا في الطريق اتصلت على الإستعلامات 905 وطلبت الرقم واتصلت على العبيري فرد علي هندي قلتله في سيارة نوعها كذا مستأجرة باسم كذا كذا كذا ونسينا المفتاح جوا السيارة ومحتاجين مفتاح بديل – فعاد علي الكلام بصيغة سؤال: يعني انت نسيت المفتاح في السيارة وسكرت الباب؟ “نبيه” فقلتله أيوه مزبوط فدق على الكيبورد وقالي السيارة موديل كذا؟ قلتله أيوه – فقالي لحظة! قلتله طيب –

بعديها رجع سألني طيب انت نسيت المفتاح داخل السيارة وسكرت الباب والباب مسكر؟! (لا حول ولا قوة إلا بالله)
خلاص بديش أعلق على سؤاله حخليها عليكم!
بالمناسبة أعجبتي خدمة جديدة في الإستعلامات 905 انه لما تتصل وتطلب رقم معين بيعطيك الرقم آليا وبعدين بيسألك اذا كنت تريد الإتصال على الرقم اضغط الرقم 1 وإذا بدك نرسلك الرقم رسالة اضغط الرقم 2 | والله حركة حلوة
وخصوصا للي بيكون في السيارة وماهو رايق يقعد ينقل رقم على باكيت المناديل!

موقف عمار عادي بيصير في أحسن العائلات – حتى أنا مرة صارت معي زمان كنت مستأجر سيارة تقريبا سنة كاملة وفي يوم من الأيام رحت الدوام نعسان ومقفل وكأني ماكل 60 كف على هالصبح ونزلت وسكرت السيارة والمفتاح فيها – الطريف اني كمان نسيت السيارة شغالة! كيف ما بعرف!

طلعت أدق الكارت وأستأذن من المدير فاستلموني هذا عنده شغلة وهذا مش عارف ايش وعميل مش عارف ايش بده “ياصباح ياعليم” صاحي من الصبح يطلع ملاحظات على موقعه – وكأن الغلط اللي لقاه في موقعه هو سبب سقوط بغداد – والا كانت أيامها أفغانستان!
وبصراحة كمان كنت مستحي أقل لمديري اني ناسي المفاتح في السيارة ومستحي أكثر أقلته انه السيارة شغالة! (شغالة والا سواق؟)
المهم خليت السيارة للظهر شغالة وفي وقت البريك رحت على شركة التأجير جبت المفتاح ولا من شاف ولا من دري! قفل على الموضوع

إمبارح في حالة فريدة من نوعها تعرفت على شاب صاحب صاحبي وفي تعارفنا عرفت انه متزوج ومطلق 5 مرات!
طبعا أنا انخنقت منه وقعدت أتكلم أنا واياه على هالموضوع لانه بصراحة عنا حكاية الطلاق هذه مش لعبة ولا حتى غير لعبة مش واردة أبدا وفيها مشاكل وصعوبة أكثر من البحث عن عروس “وضعي الحالي” والخطبة والمهر والزواج ومتاعب الدنيا كلها – فكل حاجة عندنا تهون إلا هذا الموضوع – الله يعافينا ويهدينا ويهديه
طبعا قالي هو أسباب طلاق كل واحدة منهن بس ما عجبني الكلام – وما علقت كثير لأني اكتأبت

ايش كمان صار معي؟ امبارح الصباح وقفت على الإشارة وكان الشارع فاضي يمكن ما فيه إلا أنا وكنت على أقصى الشمال عشان بدي ألف شمال (بالله عليك؟) المهم اجا واحد لطيف من رجال المستقبل ووقف قدامي (عرض السيارة) أقسم بالله ماني مصدق! أنا مش عارف والله من وين هذه الحركة متعلمينها؟ وليش أصلا – مأنا واقف لحالي وقف جنبي طيب اذا مستعجل كثير ومش حابب توقف وراي! يمكن أقسم على نفسه ألا يكون إلا في الطليعة!
وعلى راي سامي المصيبة انهم اللي بيوقفوا بالطريقة هذه هم آخر ناس بيتحركوا لما تصير خضرا – يعني الحقيقة مش مستعجلين – ولازم نص البلد تضربله بواري عشان يشرفنا وينقلع!

سبحان الله
جد عيب – الوقوف على الإشارة عبارة عن دور تخيل حالك في بنك والا مطار وواحد يجي يوقف قدامك عشان مستعجل!

على حكاية الدور هذه اول امبارح برضو وانا على الدور في المطار ومعي عربية الشنط عشان زوجتي مسافرة واحد وراي (عنده مشكلة دودة) ماهو عارف يوقف كل شوية يدف العربية ويخبطها في رجلي وكأنه حيوصل أسرع وبعد شوية صار يوديها يمين وشمال وما إرتاح إلا لما جابها ووقف جنبي فصرنا أنا واياه جنب بعض! قلت أدب والله
واللي مش عارف أعبر عنه – تصدقوا انه لما انتهى اللي قدامي تقدم هو بسرعة وراح بدالي؟
لو كل واحد بيضايقني وبدي أزعل وأتضايق وأتخانق معاه ونتضارب – معناته أستأجرلي شقة في مستشفى نفسية أحسن! والعياذ بالله

من شهرين قاعد بطالب واحد ب300 ريال مقابل خدمة إستضافة قدمتها له على الإنترنت ومش راضي يدفع وكل مرة يتعذر ومعليش ياأستاذ يوسف واليوم وبكرة جاييني مبلغ وبأسددلك والسبت والأسبوع الجاي والله اني ما برد عليك لأني مستحي منك وخمسين مرة ما يرد على الجوال – بصراحة قرفني
فاليوم أرسلتله رسال “أستاذ أحمد أنا متأسف جدا لأني مضطر أوقف عنك الخدمة اليوم في الليل” فرد علي برسالة جوال فاجأتني فيها بما معناه أصلا انا ما استفدت من خدمتكم وخدمتكم تعبانة وكنت متعطل أسبوع كامل ومن حقي أطالب بمدة إضافية بدل العطل – ولو الخدمة بالمستوى هذا أنا مش محتاجها
بسم الله عليك – وين أيام أستاذ يوسف وياباش مهندس ولو سمحت وأنا ممنون لك ومأسف جدا على التأخير و والله محرج منك – الحين

صارت الخدمة تعبانة؟ ولو بتطالب بأسبوع صارلي شهرين بانتظرك – صح انك مطنشلي 50 مكالمة بس مش مشكلة!
وبعدين متعطل أسبوع من غباءك – مش عارف تعمل إعداد الأوتلوك – مش ذنبي!

ياسيدي – عينات ياما حتشوف زيها!
على العموم لسه ما وقفت عليه الخدمة خليه لبكرة!

اليومين اللي فاتو من محاسن الصدف انه كمان صاحبي الدكتور إيهاب إجا على جدة بس ما شفته إلا مرتين لأنه مشغول جدا جدا في إجتماعات وأنا كمان مشغول – بس بصراحة الجلسة مع الدكتور إيهاب لا يمكن تضييعها – سافر الله يسهل عليه

واليوم اتصل علي الدكتور محمد النجار أول مرة بعد زواجه – جد انبسطت كثير بمكالمته – محمد أقدم صديق لي في الحياة فهو صاحبي من الأول إبتدائي! يعني من 25 سنة تقريبا أيامها كنا الصبح نطلع فرشات النوم على السطوح عشان تنشف!
وكمان سبحان الله من محاسن الصدف زوجته لها صلة قرابة بعيدة شوية مع أمي وتحمل نفس إسم عائلتها – ومعرفة قوية جدا بزوجتي ومعها نفس جنسية زوجتي ولنا تخطيط في المستقبل نسافر مع بعض كهجرة على نفس الدولة – سبحان الله من الأول إبتدائي وكمان معقول نعيش مع بعض في دولة بعيدة جنب بعض؟ الله كريم

ايش كمان ايش كمان؟ بس خلاص

الحمد لله – أنا سعيد جدا بالجديد في حياتي العملية.

بدأت مرحلة جديدة في حياتي العملية ومازلت في طور الإعداد والترتيب.

بناء وإعادة هيكلة وترتيب وتنظيم وأمور كثيرة تغيرت وأمور كثيرة ستتغير.

مشغول جدا – لدرجة اني ما شغلت كمبيوتري يومين كاملين! ومدونتي ما شفتها من زمااااان.

الأخبار الجديدة سأدونها قريبا.

دعواتكم.